ساهر الليل.. عمل درامي رومانسي محترم جميــل جدا.. تدور أحداثه في فترة أواخر الستينات
تــابعته من أول حلقة .. ولحد ألحين بالنسبة لي يعتبر أجمل وأرقى عمل برمضان.. وأنظف عمل
من نــاحية الحوار والقصة والسيناريو.. فهو شي مو طبيــعي
تتحجى القـصة عن قصتين حب من أرقى قصص الحب الكويتيه القديمة
وكيف يحافظون على حبهم وينهونه بالزواج بمواجهة الأهل المعارضين بشدة فكرة الحب
والمسلسل صج صج ترفعله القبعة من ناحية الديكورات والتصوير والألوان ومواقع التصوير
قاعد تحس إنك صج قاعد تشوف الكويت في فترة بداية السبعينات
من وين يايبين هالسيارات والأثاث القديم و بطول الكراش؟ شي مرتب صراحة
ومن ناحية الموسيقى التصويرية فهي خلطة من عبق التراث الكويت المطور بشكل ميــونون
من أجمل الموسيقات التصويرية بالمسلسلات الكويتية.. ومن ألحان د.عامر جعفر
وإغنية المقدمة غنـاء عبود خواجة.. بددددع فيهـــا وصارلي جم يوم معلـق عليها
ومن ناحية الممثلين مبدعين كلهم .. محمود وصمود وبوشهري و هيا عبدالسلام هذيل الي عايشين قصة حب
والنبهان وباسمة حمادة وحسين المنصور هذيل أهاليهم وإلي واقفين بطريجهم
للي يبي يشوف شي راقي وبساطة بالحوار وأبداع بالتمثيل وجمال في القصة وتسلسل للأحداث بشكل جميل
يرد يشوف كل الحلقات باليوتيوب لأن عمل يستحق المشاهدة
وأنا أعتبر هالمسلسل أجمل مسلسل كويتي بآخر 5 سنين
مسلسل ترفع القبعة احتراماً لــه
أوقات العرص
8:00 pm - Alwatan
9:00 pm - Alwatan Plus
فعلا مسلسل ترفع له القبعه فنيا
ReplyDeleteولاكن في منتصف الشهر تمر عليك الحقله بحدث واحد ومايبين انه مط للمسلسل باحداث قليله
ولاكن اني ابشر المشاهدين انه في هذي الايام قاعد تزداد الاحداث والمشاهد الدراميه ويحلى اكثر واكثر
ما يبت طاري وليد ;* اتقن دوره عدل!
ReplyDeleteبس في وايد كبار بالسن يقولون انه في أخطاء بالديكور
بس يظل أحسن مسلسل برمضان هالسنه ;*