تابعنا 21 حلقة من مسلسل زوارة خميـس وصراحة كبداية للمسلسل ماكان بالقوة المتوقعة وكانت الأحداث ضايعة من كل صوب
بس بعد 15 حلقة أثبت انه قدر يشــد المشاهد ويخليه ينطر حلقة ورا حلقة .. بس في نقـاط لازم نوقف عندها وودي أقول بعض منها
ليـش هالتهجم من الكاتبة هبـه حماده على الرياييل ؟
معقولة كل الريايييل إلي بالحلقة خاينين وفيهم عيــوب ؟
والحريم مافيهم ولا عيب ولا مقصرين؟
وغير هذا.. مشاهد كثيرة مخلة بالآداب ونغزات واضحة
ترا المسلسل يشاهدونه الصغار أكثر من كبار وفي كلام وحوارات مالازم يسمعونها الأطفال
وصراحة أنا أستحي أشوف الحلقات مع الأهل لأنه الحوار والنغزات الإيحائية شي يفشل صراحة
لو حاطين 18+ وايـد احسـن
وشي مو منطقي كلش كلش إنه كل واحد بالعايلة له مشكلة و تكون خطيرة وكلهم بنفس الوقت
مبالغة كبيـــــرة جدا.. ما أنكر ان هالشي مسوي جو بالمسلسل .. بس شي مو واقعي كلش
ومشالله كل واحد داشه بحياته أمرأه وبتاخذه من مرته وكلهم خــفاف جدام الحريم
وحتى الشخصية الملتزمة اللي يقوم بدورها البلام.. خق جدام المرأه .. أي شي؟
يعني حتى الدينــين ماسلمو منج يا هبــه حماده
ممكن الشي الوحيد إلي يقنعني هو دور البريكي.. شخصيته مقنعه نوعـاً ما
ومن الناحية الفنيــة والتصويرية .. فهناك خلل في الصوت
ساعات الموسيقى التصويرية أعلى من صوت الممثلين
ويخليك تتنرفز ماتسمع الحوار عدل .. ماتوقعت أحنا بسنـة 2010 وهالمشاكل موجودة لحد ألحين
وشلون يحتفلون بالعيد الوطني.. واهم لابسين صيفي وشورتات؟
انا خبري العيد بشهر فبراير طبعا عز البرد.. والحبايب لابسين صيفي
وظهور سيارة بورش كايين موديل 2010 في لقطة المفروض كانت قبل 10 سنين .. لا والله؟
وبعدين محمد المنصور مع إلهام.. بذمتج يا هبــه .. غصب بتربطينهم مع بعض ولا شنو؟
نعــــم بالأصنصير يصير جذي؟ .. وشصار أساســـاً حتاً ما وضحتي لنا السالفة
هل لمهــا ؟ هل بــاسها؟ هــل وهل وهل؟ شصــار؟ وشدعوة من بوسه أو لمه صارت علاقتهم بيموتون على بعض
ومحمد المنصور إلي اهو التكانه والشخصية القوية جذي يصير فيه معنا أهو بالحلقات الأولى يكرهها.. تناقض
عسى ماشر يا هبــه والله ماكان له داعي.. الحبكة حــلوة بس مو بهالطريقة
كنتي تقدرين تألفين إنهم على علاقة قديمة قبل زواج سعاد و محمد المنصور.. ممكن يكون أقنع من حلقة الأصنصير الغبيــة
اوكي الكويت فيهــا بلاوي وفيها مشاكل بس مو بهالطريقة إللي ماتدش العقل
صدقيني يا هــبه إللي قاعدة تسوينا ممكن يأثر علينا وعلى المجتمعنا بشي سيء جدا
نـنتظر منج شي أرقى من جذي
ومع كل هذا أنا بكمله للنهاية وبشــوف المصخرة إلي بتصير في مسلسل ..خمة خميس
و بس حبيــت أحيي الممثل خــالد أمــين على إتقانه للدور بشكــل جميل جـداً وهو أحسن واحد فيهم بوجهة نظري
وطبعـا ماننسى سـعاد عبدالله .. ولميــاء طارق ومرام هم مبدعيــن
ويــاسه ام نصيب.. ملح المسلسل
و أخيراً.. مجرد مسلسل للنسيـــان
اول شي اشكرك على هالـ بوست الجميل ..
ReplyDeleteاللي تفضلت فيه على العين و الراس .. بس تدري شنو الطامة الكبرى ..
ان علاقة محمد المنصور بـ اخت مرته .. محرمة عليه .. يعني الفكرة بحد ذاتها مصيبة .. و هالشي مو ظاهرة بالمجتمع علشان نبروزه بهالأحداث و نظهره بهالصورة المشينة ..
و مثل ما قلت .. بذاءة بالحوار .. بالايحاءات .. حتى بـ تفاصيل القصة ..
حسسونا ان مشاكلنا تنحصر بس بـ ( القضايا الجنسية و العلاقات ) ..
بعدين الناس صيام .. و ذوقياً ما المفروض تنعرض هالأعمال بـ رمضان و بوقت الصيام بعد ..
سقطة قوية لـ هبة حمادة .. و اقول لها صفي دور ورا فجر السعيد ..
و اتفق معاك .. مسلسل للنسيان ..
قواك الله :)
This comment has been removed by the author.
ReplyDeleteاتفق معاك على النقاط الواضحه والنقد الممتاز والبناء
ReplyDeleteالله يوفقكم يا رب
I agree with every word you said, il mosalsal taafih o mobala'3 feeh
ReplyDeleteI agree Bro in some points..
ReplyDeletebs ma ymna3 men ena el mosalsal oho el awal fe 3adad el mosh-hedeen 7aleyan b daleel el kam el ha2el men el bbms wel msgs ely ga3d to9al 3aleeh.
ma n5telef ena el a7dath TOO MUCH bs oho mosalsal !
ya3ni lazem ykon feeh 3amel el shad wel tashweeq !
ee na3am mo kel ryayeelna 5ayneen wala bel `6aroora enha tanqel el waqe3 leq8i 100% bs ma nanker ena kel shay thkerta bel mosalsal men waqe3na bshakel men el ashkal.
jaree2 ee.. ma3ak b hal noq6a !
bs men na7yat e5raj + ta0weer + 7war + 7abkat el mashahed wayed 7ilo.
o salfat el a9an9eer hathy 5alha 3ala keter ;P
cause tara ham t9eer t9eer bs bflim hndi ;Pp
ely ma 7abaita bel mosalsal ena el katba em6al3a el a6fal eb 9ora mo 7ilwa ala wa heyya ebhom (naqaleen 7achi) o ena el ahal emshaj3eenhom 3ala hal shay o hatha AKBAR `3ALA6 !
bs fel nehaya [garagt wayed] el moslsal ra7 negdar na7kom 3ala mada naja7a lama y5ale9 o na6reen o nshooof :)
Big thanx 3ala el mawthoo3 el 6ayeb ;)