McDonalds [USA Edition]

مكدونالدز الحل الأسرع والأشهى للجوع.. مو بس بالكويت بكل دول العـالم تقريباً
اكتسح مطاعم الوجبات السريعة من ناحيــة جودة الأكل والإنتشـار والنظافة والنظافة والنظافة
طبعا مقــارنتاً مع مطاعم الوجبات السريعة الثانية بالكويت

عن نفسي وايد أحب هالمطعم وأتلذذ بجميع وجباته بلا استثناء
والحلو إلي فيـه ان الستـاف كلـه فلبّن ماكو مصريين

قعدت أحوس شوية بالأنترنت جان أدش مقعهم الرسمي
وطبعــا موقعهم أمريكي

شفت شغلات مو صـج .. ليش ما إييبونهم الكويت عندنا ؟
قاصين علينا بس في مك كفته وأربيا من موسم لي موسم

نبي هالســـــوالف.. شوفو ويــاي الصور .. تـرا بعضهم موجودين بس شوقوني صورهم

وإذا تبون تشوفون زيادة دشو موقعهم الرسمي
www.mcdonalds.com

بذمتكم ما ودكم تجربونهم؟

وحق إلي يهمه يعرف السعرات الحرارية بالأكل وبمكدونالدز خـاصة.. وأنا واحد من هل النــاس
طحت على موقع عجيـب ومفيـد يحسبلك كل شي تطلبه وجم سعره حرارية فيــه .. دشو هنــي
http://www.mcdonalds.co.uk/food/nutrition/nutrition-counter.mcd
تـرا وايـد وايــد مفيـــد

وبـالعافية عليــكم
= )

روبينهو رسميا للميلان !

روبينهو رسميا للميلان بعقد لمدة اربع سنوات

CLICK HERE

داوود شو !

ليلحين هالمشهد يخليني اطيح من الضحك ..

مشهد من برنامج داوود شو ,

فقرة جنون البقر !
خاصه لما يطلع فيصل بو غازي وشعبوله ويهولون بـ ويوهم ..

بمنتهى الوداعه كان ، صار بمنتهى الثوالة !

لووووول بدع بو حسين

ZODIAC Watchs ..

من احب الساعات لـ قلبي ..

الي يميزها تحس بثقلها وهيبتها ..

وغير جذي اسعارهم ممتازه جدا ما تعدي الـ 250 دينار لـ اغلى وحده فيهم ..

متوفرين بالكويت في محلات ..

On Time

الي يميز هالساعه ريحتها فانيليا ! تشم السير جنك قاعد تاكل كيكه ..

ما خلو شي هالسويسريين ..وهذا سايتهم ..

CLICK HERE

Gathering .. لذيذ جدا جدا !

من الذ ما كليت صراحة ,

الطعم لا يعلى عليه وفي اكثر من نكهة ..

انصحكم تجربونه ..

اسعاره زوينه وما يطول بالتوصيل ..

انصحكم بالكاكاو ..
يعور القلب ;p

TEL : 67667721
FB LINK

قرارك مع بركات الوقيان !

من انجح برامج هالسنة ، من تقديم المذيع الناجح بركات الوقيان ..
الفكره ممتازه وتعطي فرصة للي يفوز انه يزيد فرص الربح ويستمر

احد المشاركين شارك في اربع حلقات على التوالي وربح ما يقارب 20 الف دينار كاش + سيارتين ..
مشاء الله عليه يستاهل

البرنامج يعرض على قناة الوطن في الساعة 12 مساءا

محمد الحملي والعجيرب .. صيدة سوالف بـ عبير الوزان

LOOL ! Daga Fa9la ..

9aidat Swalef , Khosh Prog .. w el 3jaireb 9ayra Ga6ata NAR :P !

A7la 7alqa Till Now Kanat Eb 3aber el Wazan w Swaha M7amad La7mley Ma3a el 3jaireb ..

bs 9ij , Gazeroha :p

Robinho.... على وشك !

بعد صفقة إبرا مع الميلان ..

العيون على روبينهو ,

باجر اخر يوم الانتقالات وراح يبين كلشي !

بس الاكيد .. إنه قرّب وايد من التوقيع مع ميلان

Nokia 3210 "بشـار"

تذكرونه ؟
تدرون انه بوقته كان لا آيفون ولا بلاكبيري ولا خباريهم
كـان مكـــــــــــــــــــــــــسرررررررررررر الســوق ومحطم المبيعات بالكويت

اذكر كان اهو أول موبايل شريته و كان بسنة 1999.. صج كان صخر صخر
كنت اقزرهها على لعبة الحية "سنيك" تذكرونها ؟
lol والكفرات والألــوان .. كانو عجيبين

صج أيــام يا بشـــار.. سوف تبقى بالقلوب خالدً مخلداً

شكـراً لك...عبد الوهاب السيـد

انا من أشـد المعجبيـن بالكاتب الكويتي المميز المهندس إستاذ عبدالوهاب السيـد
اجمل من يكتب القصص القصيرة المثيرة والمرعبة
والروايات الطويلة الممتعة واللي تخليك تعيش أجواءها بخيالها وواقعيتها
أذا كنتم من محبين قصص الرعب والخيال العلمي والإثارة والتشويق
سوف تعشقون هــذا الكـاتب الــ"مينون"
لديه مجموعة جميلة من الاصدارات الرائعة التي أمتعتني وأنصحكم بقراءتها

منها:
- الأبعاد المجهولة 1 و 2 (الجزئين قمـــــة)
- 17 قصة (متعة متعة متعة وصــدمة)
- في الجانب المظلم
- زيارات ليلية
- رسائل الخوف

وهناك الكثيـر.. وحدي نـاطر معرض الكتاب القادم لأنه راح ينزل له شي يديد مثل العادة بكل سنة بمعرض الكتاب

معلومات عن الكاتب بالويكيبيديا

وأخيراً .. عبد الوهاب السيــد.. شكرا لـك

Shejon & Fatma Al Safy .. Zain!

Nice Song ..

Nokia N8 .. قريبا جدا بالكويت !

صراحة انفهقت من نطرة هالجهاز !
يمكن البعض يقول شخباري نوكيا ؟ معاه حق الي يقول جذي
بس لا يتوقع اني ناطر جهاز عبث !
هالجهاز امكانياته مو متوفره بـ ولا جهاز بالوقت الحالي
ونظامه رغم " الكلام الي عليه " لكنه يعتبر يديد ومتطور

ابرز الي يميز هالموبايل ..
HDMI Connection + Dolby Digital Plus Technology
Camera 12 MP + Xenon Flash
Video Capture HD 720p
USB
Multi Touch
FREE GPS
Flash Support
FM Radio
FM Transmitter
Memory 16 GB
Amoled Display

بالذمة شرايكم ؟
لا الايفون ولا السامسونج جالاكسي ولا اي جهاز يملك هالمواصفات حاليا !
شغلات فعلا قويه .. ويستحق الواحد يغير جهازه عشانها

بالنسبه لي حاليا عندي ايفون وبلاكبيري ..
الايفون للامانة ما اقدر استغنى عنه ,
لكن البلاكبيري يمكن احرقه .. صار ممل بشكل خيالي !

الجهاز راح يتوفر بالكويت على كلام المحلات بـ بداية شهر 9 !
وممكن نهاية شهر 9 ..
لكن الاكيد ماراح يطوف شهر 9 ..
وانشالله ينزل قبل العيد ..

السعر المتوقع : 180 د.ك
الموقع الرسمي للجهاز : Click Here

صوره من تصوير الموبايل

CLICK HERE

iWatch ..?!

hehehe.. Walla Ma Astab3id ! o khoush fekra ;p

BOSE

بوز .. صراحة من أفضل شركات السماعات والصوتيات والسينما المنزلية بالعالم
تتميز بأهتمامهم الشديد في نقاوة الصــوت لي درجة مهما كان الصوت عالي ما تنزعج كلش
وبعد يتميزون بالتصميم الرائع والعصري للسماعات وشكلها الـ مو طبيعي
والحلو فيهم إنهم مايقيسون سماعاتهم على (الـواط).. لهم مقياس ثاني من ناحية النقاوة وليس قوة الصوت
وبعد ترا يوفرون نظامهم على أغلب السيارات الفاخرة مثل بورش وفيراري ومازيراتي..الخ



عن نفسي جربت واحدة من أفضل سماعات الإذن في حياتي وأغرمت في البوز بعدها ..راح تشوفونها بالصورة
شي مو طبيعي تسمعون نظافة ونقاوة ماتصورنها
أنصحكم فيها بشدة.. وطبعا يكون فيها مايك للموبايل
Bose® MIE2 mobile headset



وبعد جربت الــ 5.1 والغـريب أنهم سماعتين فقط مع سابووفر! بس يعطونك إحساس إنهم خمس سماعات
تحس إن ثلاث سماعات تسمعهم جدامك وثنتين تسمعهم وراك وبدون مبالغة
تـعال وشغل عليهم فلم بلوراي او ديفيدي وتسمع الصوت كأنك في سينما.. والله شي موطبيعي
طبعا تقدر توصلهم على اللابتوب باليو اس بي
وتلفزوين الأل سي دي .. وآيضاً الأيبود بالـ أي يو أكس
Companion® 5 multimedia speaker system



وعندكم آخر وحدة هالسماعة الضخمة حبتين.. هذي متخصصة بمنع الأزعاج وتكون على بطارية
من تحطها على أذنك .. انسى تسمع إلي يمك لو يصرخ من قمة راسه
وطبعاً أكثر اللي يشترونها يسافرون ويتنقلون وايد لأنها تمنع صوت الطيارة المزعج وكذلك القطار
وتعيشك عالم بروحك مع إلي تسمعه وانسى أحد يزعك ..
بس عاد مو زين تمشي فيها بالشارع عشان ماتلخك سيارة وتطلع عليك أغلى من بيع السوق
QuietComfort® 15 Acoustic Noise Cancelling® headphones



الأسعار
Bose® MIE2 mobile headset (with Mic) - 40 KD
Bose® MIE2 mobile headset (without Mic) - 30 KD
Companion® 5 multimedia speaker system - 140 KD
QuietComfort® 15 Acoustic Noise Cancelling® headphones - 100 KD

بالكويت تحصلونهم بـالـغانم وآي سيتي ويوريكا

موقع بوز الرسمي
http://www.bose.com

Flickpad .. اسهل طريقة لاستعراض الصور !

من احلى برامج الايباد الي استخدمتها شخصيا

عن طريقه تقدر تشوف صور الفيسبوك الي انحطت اليوم او امس او قبل يومين " طبعا صور الاشخاص الي ضايفهم عندك"

وتقدر تختار بروفايل اي شخص وتشوف صوره بطريقه سلسله وبسيطه ما فيها تعقيد الموقع نفسه

ومن خلال الابديت اليديد البرنامج صار يدعم موقع فلكر الخاص بالصور

$سعر البرنامج بالستور 6.99

Free وموجود نسخة تجريبية !

STORE LINK

Byron Proper Hamburgers

منو فينا مايحب الهمبرجر؟ .. ألذ أكلة بالدنيا بالنسبة حقي ودايماً أحب أجرب مطاعم البرجر أول بأول

مطعم برجر مشهور ولذيذ Byron Hamburgers
Kensington متوفر فقط في مدينة الضباب لندن وخاصة في منطقة

ناطرين واحد من تجار الكويت ياخذ وكالته ويفتحونه عندنا

هذي بعض الصور

بلشنا ..!

بدينا والبادي احمد ..

ليش 45 ؟ يمكن واضحه من التصميم فوق ..

ابراج الكويت ، برج التحرير ، شمس , الوان مغبره , ارقام ذايبه ! شبقى بعد ..

اكيد درجة الحراره عندنا بالكويت ..

البلوق عن شنو ؟ كل شي يطري عالبال ومتنوع بكل ما يخص الكويت من بعيد والقريب ..

نتمنالكم قضاء وقت ممتع معانا ;) !

على فكرة ,

إحنا أثنين......

ومثل ما قلت فوق ..

البادي " احمد " ,

: )